लोहोरूङ् खाप्पीऐ वेब साइट्बी आना स्वागाटा चु।
ग वेबसाइट् लोहोरुङ् खाप्मी ह। लोहोरुङ् खाप् हानाम्स आमाखॆॽल कामानुङ् हाङ् गबाङ्स डीरीक् काम्नुऎ मुमामी लागी हाङ्, लोहोरुङ् खाप्पीहा चोप्न ठका चोप्न लोहोरुङ् जाटीचीऎ भॆट्टहीसुचीर कामानुङ् ग वेब् साईट मुमीम्पा ह।
लोहोरुङ्ची होईढा जाटीचीम् रक्मान चालचालाना हाङ् साँस्कीरीटी चुऎ एक्क जाटीची ह। खोचीमी टाङ्पामी न संस्कारहरू चु। डीरीक लोहोरुङ् याॽमीची नेपालमी नामकॆॽवा पोट्टीऎ जील्ला संखुवा-सभा नूङ् होइढा ठालबी स पेनुॽमी। डीरीक लोहोरुङ् याॽमीची चैँ संखुवासभा बीऎ पाङ्ग्मा,हेलुवा,माल्टा,दीदीङ्, बार्देउ, आङ्ग्ला, हाङ् संखुवासाभा जील्लामी होइढा डीरीक् ठालबी स पेनुॽमी।
काङ्कॆ ग वेबसाइट्बी लोहोरुङ् खाप्पीहा डीरीक् कॽनाम युङ्डुङ्का। आन्नॆ गुबी पढालीमाहा, खाङ्माहा हाङ् खेम्माहा चोप्न ठाका भॆट्टहीकाम्नी। इघा चोप्न ठका मरॽन डाउनलोड् लॆसे खाङ्से,खेम्से हाङ् पढालीसे म ईघानुङ् चेन्चाआम्ने।
येशु फीलीम खाङ्मामी लागी गुबी टीमाम्नॆ
लुकामी अडीयो बाईबल खेम्मामी लागी गुबी टीमाम्नॆ
