याॽमीची होईढा जाटीची बाङ् डीरीक खानावाँ लेखुबाची ह। हाङ्सङ्क लेभॆॽमारॽन स कोइबेला कानीए योम्पक नासॆलॆढाङ्पा लीकी भनॆ कोईबेला मालेॽले: म योम्पक नासॆलॆढाङ्मीम्पा लीकी। कानीए नासॆलॆॽमीम्पा कोई योम्पक गरहा लीॽ की आक्क छॆमा पीॽमा स सार लीॽ। टर आक्रहामी स छॆमा टक्चाठाम् एक्क ठाल चैँ नीवाहाङ्बी ह। कानी ग बाखाटॆम्पीहा चोप्न याॽमीचीमी हीङ्वा सक्पीस्सी नीवाँहाङ्ए खोसॆ खोम पासा येसु ग बाखाटॆम्पी हीङ्वा याॽमीचीमी हुक्बाङ् सीखॆस्सी पाङ्हाङ्सु मसॆ कानीम हीङ्वाँ छॆमा लीडा।
माङ् ह ढारी स आनाम् नीवाँ गीउमीउ लीढाङ्डॆहॆ? रु आना स चैबानए नीवाँहाङ् य:ग्ढाङ्डुनॆ हॆ? माङ् आनाम स हीङ्खामा हीङ्चाढाङ्मा मीङ्कुनॆ हॆ? आक्र हाङ्ग डाबानॆ, खोमी हाङ्डामबी आन्ना नु:र खोसॆ से:ढाङ्डानी।
नीवाँहाङ् न चैबानए नीवाहाङ् मान्ठा ? ईघा चोप्न खानावाँ ले:मा मीङ्कानीहा हाङ्ग मीम्माहा खानावाँ पढालीमा आमीखॆटाम्नो है।
